عسى
السحاب اللي تحدر مع البيد
يسوقه الغربي برفق وهواده
يعم
كل الناس من غير تحديــد
وكلٍ يربع في حـراوي بلاده
يا
لله تجنبنا شرور الحواسيــد
وانك توفقنا طريـق الرشاده
لله
أوجـه دعوتـــي ليلة العيد
اللي جميع الخلق ترجي إمداده
ياعيد
ياجـامـع شتات المباعيـد
عساك دايم في سرور وسعاده
ذكراك
دايم لهـا بالقلب تـرديـد
ولا ينسي ياعيـد شهر العباده
فيك
اتحاد قلوب و للناس تـوحيد
يرجع بك القاطع ويخلص وداده
ولا
فيك يـاعيد المحبة تعـاقيـد
والناس كل فيك ينهــي أحقاده
الحمد
للي يستحـق المحـاميـد
الملك ملكــه والخلايق عباده
ربٍ
بيده مدبر العبد والسيـد
خالق جميع الكون محصي عداده
يكفيك
ياقلب المولع تناهيـد
ماحدٍ ترى قبلك تحقــق مراده
غايتك
ما هي بالمنى حسب ما تريد
وان عانـدك وقتك تجنب عناده
مالك
ومـال الناس واللاش و الجيد
عليك بنفسك والأمـور اجتهاده
واحلم
و لا تأخـذ أمـورك بتشديـد
وتجنب الجاهل ضعيـف الإراده
دنياك
لو توعـد تخـون المواعيـد
توعد ولا توفي وتخلـف وعاده
يامـا
غـدرت بالطيبين الامـاجيـد
وكم بدلت عيشٍ رغيــد بنكاده
واجبـك
عنه لا تـوخـر ولا تحيـد
لـو كان تدفع من حسابك سداده
تـرى
الرجـال بفعـلها تفـاد وتفيد
ودايم سعدها قايــــمٍ بازدياده
ولا
كـل طـير يـدرك الصيد ويصيد
ولا كل رجالٍ عليـــه اعتماده
ناسٍ
تجيب الهرج من غير توكيد
والصدق هو والكذب بالناس عاده
أثبت
كلامك في دليل و شـواهيد
وان قيل لك من وين عدد إسناده
الهرج
يأتي ناقصٍ نـوب و يزيد
ولا كل هرجٍ لو سمعتــه وكاده
اللي
يتعمد كلـمة السـو تعـميد
حتى يحقق غايــــةٍ في فواده
عليه
من ربـه مـلامة وتسويـد
ويشيل ذنبه ويتحمـــل سواده
ومن
يزرع المعروف بين الأجاويد
يجني ثماره يوم يأتــي حصاده
أواه
مـن نـارٍ توقـد تواقيــد
بقلبي ودمعٍ فوق خــدي بداده
قمت
أتحسر وأصفق الأيـد بالأيد
مثل الكسير اللي عثـر به جواده
أفكـار
زادتهـا أفكـار مجـاديـد
حتى كرهت النوم فـوق الوساده
تخنقني
العـبرات عـبر الأواريد
أسهر لحالي والخلايـــق رقاده
ولا
لي بود المقفيين المصـاديـد
أقفي عن المقفـي ولا آرد مراده
وأعرف
الرجال اللي تعرف المناقيد
اللي لهم بالعرف قــدر وشهاده
رجـالٍ
تحـل المعضلات المعاقيـد
وبعض العقد صعبٍ يحـل انعقاده
وأحشم
نفسي عن مماشي المساريد
وأشد عن دارٍ كثيــــرٍ سراده
ناسِ
تـرصد خطـاياي تـرصيـد
ويا كثرهم لا قلت مثــل الجراده
وهنيت
قـلبٍ مثل صـم الجـلاميد
ما لان لو الوقت شــــدد قياده
قلبٍ
حديد وثـابت أثبت مـن الحيد
زودٍ على مافيـــه صبر وجلاده
و
عـودت نفسي على الصبر تعويد
ومن لا صبر ضاقت عليه البلاده
ومـن
لا تجـلـد على المـر تجليد
ماذاق حلو الوقت عقب اضطهاده
الزمـل
تبرك لا رغـن المفـاريـد
وطير السعد يعرف من أول هداده
وطير
الفلس لـو قـلد الصقر تقليد
خايب وخـايب من ترجـا فواده
يقصر
عن الطولات ومن دونها يحيد
وطير السعد ياصل حراوي القياده
وختامها
مـا غـرد الـورق تغـريد
على الغصــون اللي تميد امتياده
صلوا
على اللي يورد الحوض توريد
نبي مرسل رحمةٍ للعباده
ليست هناك تعليقات:
إرسال تعليق