قصيدة
مهداة الى الأخ الشاعر/ سعد خالد العلوي الصرم أبو خالد
قـم
يانديبي قم قـم رتب الخــط
ورتب حروفه ثم حــط النقوطي
واكتب
كـلامٍ كنه الـدر وأضبـط
من معدنٍ صافي ولا هو مخلوطي
البارحة
سهـران والجفن ماغـط
كن القدم في حامـي النار يوطي
ومـن
لا يفكر في زمـانه تـورط
ولا خير في رجلٍ عجول وقنوطي
أشوف
بالـدنيا أمــورٍ تخـالط
وكـلٍ بها الدنيا تــراه مغبوطي
عزاه
يا قلبٍ من الـوجـد مشتط
يتلنـي تل الإبر بالخيــــوطي
القـلب
مثل اللي بنـار يتشـلوط
لولا التجلـــد كاد قلبي يشوطي
جيت
الطبيب وفحص قلبي و خطط
وقال أنت قلبــك لا يزال مخبوطي
قلت
آه يادكتور بس عـلتي قـط
شيٍ بقلــــي للضماير يسوطي
مثل
العواصـف بالضماير تخابط
والاكما اللي ينضــرب بالسيوطي
لاكـن
جسمي صـار مثل المحنط
لاهاضني الهاجوس كثرت سخوطي
ياراكب
اللي إليا مشى الدرب فحط
يسبـق هبوب الريح عبر الخطوطي
شغل
الموتر واترك الشيل و الحط
موتــر جديد من البدي والجنوطي
عب
التوانك واحـذر النوم والغط
وعب التواير ثم شــــد البلوطي
وبلغ
سـلامي اللي اليا جيت قلط
صفر الدلال وللهرافــــي يلوطي
قله
تـراني عجل يالـذيب الامعط
أبـي السموحه وذامن أول شروطي
وأرجع
علي بدون تأخير لا تبط
وقل أنتهي يامعــدن الطيب شوطي
ليست هناك تعليقات:
إرسال تعليق