لا
ضاق صدري قلت لا ضاقت تهون
ولا ني من اللي تستفزه هموما
ولاني
من اللي يلج مع من يلجـون
وعودت نفسـي للقسا والنعوما
ولا
شفت بعض الناس عني يصدون
جنبـت نفسي كل نفس محموما
والناس
فيما بينهم لو يعدلـــون
ماولـع الشيطان نـار الخصوما
للناس
عاداتٍ وسلمٍ وقانــــون
وكلٍ على غيـره يفضل سلـوما
سلم
الرجال اللي عليه يتواصـون
وكلٍ يقدر موقفــــه عند قوما
وأهل
الوفا بعهودهم مايخلــون
فيهم على الشدات هـومـا وقوما
رجالٍ
ليا قالوا وفوا مايقولــون
ولا كل رجالٍ تصــــدق علوما
ورجل
المعالي فيه فرقٍ عن الدون
بالفعـل ما هي في
مظاهر هدوما
رجلٍ
يقـف بالضيق و الجـو مشحون
وقفة رجل واللاش تبـرد عزوما
ورجلٍ
على اسمه رجل وباسمه ينادون
ورجل المراجل خص فيه معدوما
ونـاسٍ
بهم خيرٍ و للخير يسعـون
وأفعالهم بالصالحـــات مختوما
وناسٍ
على سـو الخواتم يمـوتـون
و الظلم يغتال النفــوس الظلوما
ومن
لا يخاف اللي له النـاس يخشون
نفسه على فعل الكبايــر
تهوما
ومعدن
كريم الساس غـالي ومضمون
مثل الذهب مابين بعيــه وسوما
ومعدن
ردي السـاس ملمع ومـدهون
لابد ما تظهر خوافــــي ثلوما
والنـاس
عند حقـوقهم مـا يهابـون
ومن لا يقـوم بواجبه وش لزوما
وختـامها
صـلوا على سيـد الكـون
ما لاح براق الحيا مـــن غيوما
ليست هناك تعليقات:
إرسال تعليق