البارحة
بالليل يوم القمر بــان
والناس باحلا نومهـم مهتنيني
فزيت
من نـومي و أنا قبل غفلان
من واهجٍ بالصدربيــح كنيني
مثل
الذي في داخـل الموج غرقان
والريح تلعـب به شمال ويميني
لا
من صديق ولا حـواليه خـلان
في ساعـةٍ فيها يشيب الجنيني
يكتم
همـومه والحشـا فيه نيران
تشب و تطفي بين حيـنٍ وحيني
من
حر مابـه تـالي الليل سهران
يقالب الجنبين مثـــل الطعيني
كم
واحـدٍ قلبه مـن الحقـد مليان
يضحك لك بسنه وحقــده دفيني
والوقت
يظهر لك أصحابٍ وعدوان
ويظهر لك المخلص من الحاقديني
السـر
لا تبـديه لفـلان و فـلان
خله بقلبك في مكـــانٍ حصيني
كم
مـن قتيلٍ راح مـن زلـة لسان
وكان أنت ما تدري سـل العارفيني
لا
تمدح إلا صاحب القـدر و الشأن
لاصـرت مادح امـــدح الطيبيني
المدح
مـا زاد الـردي كـود حقران
وابن الحمولة لا مدحتـــه يزيني
احرص
على الطيب ترى مانت ندمان
واسمع نصيحــة قبلك مجـربيني
مثل
الذهب معروف في كـل الأزمان
تلقـاه لامـالـــت عليك السنيني
ولا
كل صـديقٍ صـادقٍ فعل ولسان
صـديقك اللي بالشـدايـــد يبيني
وصـداقةٍ
ما هي بـدليلٍ و برهـان
فيـها أكثـر الخـــلان متورطيني
وحبل
الصداقة ينقطع بعض الأحيان
لا صـار مـا حبل الصداقــة متيني
وصداقةٍ
تبنى على اخلاص وإيمان
تـــدوم بـين اللي بهـا
معتنيني
تثبت
نقاوتها و تظهر للأعيــان
مثل وضـوح الشمـس تظهر
يقيني
وختامها
صلوا على خير من كان
الرحمـــة المهداة للعالمـيني
الطاهر
اللي من خطا النفس منصان
محمد المعـروف باسم الامينـي
ليست هناك تعليقات:
إرسال تعليق