أبديت
باسم الله مستعانـــي
فيه وعليـه توكلــي وآماني
والهم
بعد العز قد والانـــي
والقلب ذايب والجســم تلفاني
من
كثر ما بالقلب زايد همـي
والـدمـع فـوق الخد قد عمي
والفكر
حاير والحشا منسمـي
وأعظم مصيبــة فرقة الخلاني
يا
عين هلي من الدموع وهاتي
من كثر مافي ضامـري حسراتي
أنا
عليهم بأكبــر الشداتـي
متولـــــعٍ لكننــي حيراني
متولعٍ
في حب زين القامــة
اللي يلوح الحســـن تحت لثامه
وليا
مشى يزهي الوطا باقدامه
يــــوم يتمايل مثل عود الباني
يازين لاتطول علينـا غيابك
إياك ثم إياك تنســـــى حبابك
يازين
من بعد الوفا وش صابك
مــالك عـلينـا مغير الألـواني
أوفي
عهودك وأنا أوفي عهودي
عسى الزمان اللي مضى لي يعودي
ويصيب
من عقب الخطا بارودي
وأصيــــد ريمي قادة الغزلاني
أصيد
ريمي وأنـظره بيعينــي
وأعانقــــــه واقبل الخدين
واضمضمه
عقب الجفـا بحضيني
رغمٍ علــى الحساد و العدواني
أوصاف
خلي نـــادرٍ تلقاهـا
بالكون كله ما نذكـــر حلياها
عنود
صيدٍ بالخلا مفـــلاهـا
ماراعها الصيـــاد والسرحاني
بيضٍ
تلالا حدر حمر شفـافـه
مثل البـرد من مزنـــةٍ هتافة
ريقه
عسل ممزوج معه كنـافة
ليتـه من البيض العذاب أسقاني
مـن
رأسه المـرفوع لين إقدامه
كامـــــل مكمل قده وهندامه
كن
الثريا في جبينه شامــه
تخاطـب سهيل وخلفهـا الميزاني
وباقي
الوصف يعجز لساني عنه
لكننــــي قدمت نبـــذه منه
ما
مثله إلا بحور الجنــــة
مقصـــورةٍ عند الملك رضواني
ليست هناك تعليقات:
إرسال تعليق