الوقت
ما هو مـع ظروفي ملايم
ظروفي تواجهني عكس سير
الأيام
والحظ
رغم معارك الوقـت نايم
عيا يقوم و حظ غيري معـــه قام
نفسي
طمـوحة والليالي عقايم
مثل السراب اللــي مواريـده حيام
تريحوا ياهـل القلوب السلايم
واللي سواتــــي تالي الليل مانام
مما
بقلبي مـن الهواجيس دايم
توارثت بالقلب عامٍ بعـــــد عام
وأحس
منها صاب جسمي سقايم
مـن حد راسي لاسفل كعـوب الأقدام
هذا
وأنـا ماني ردي العـزايـم
لـو كـان كل وقتٍ له ظروف وأحكام
من
لا تجمل بالأمـور العظـايم
واثبت وجـوده مـع مشـاهير الإعلام
ما
ينفع الندمـان كثـر الندايم
تـرى الندامة تـزيـد الأوهام بأوهام
ومن
طاع نفسه جرته للجرايم
جرايمٍ يحكم عليها بالإعــــدام
ومن
لا يسد بواجبه باللزايـم
والا يثبت حجته ضـــد الاخصام
يكثر
عليه اللوم من كل لايـم
والحر حر ونظرت الحـــر قدام
إحذر
صداقة عاقبتها شتايـم
لا تلتزم فيها ترى ما هـــي لزام
خلك
سوات عقاب بالجو حايم
لا شفت بعض الناس في قربها تضام
وارفع
جنابك عن خطاة الهلايم
ان كان تبغى المرجلة
ورفعت الهام
ليست هناك تعليقات:
إرسال تعليق