مريثة سالم الحربي
غفلت ثم فـزيـت والقلـب محـروق
حـرق الهشيم بعـاصفـات الهبـايب
حاولت أبرد حـرت القلـب و الشوق
وهلت دموعي فـوق خـدي سكـايب
ياقـلـب و الله ماينسيـك مخـلـوق
مادام ماانحطـيـت حـدر النصـايب
لكن هي الدنيا سـابـق ومسـبـوق
وقبل الفـرح احسب حساب المصايب
يجري القدر و الأمر مكتوب من فـوق
ومايكتب الباري على العبد صـايـب
لاتحسـب الـدنـيا لوتطيب وتـروق
يـدوم فيها العيش والشـرب طـايب
كم عكرت صفوٍ و كـم غـيرت ذوق
ومن طبعها تفـريـق شـمـل الحبايب
عزي لقلـبٍ عـقـب غـاليه مشلوق
والحـيـل واني و الضـمـاير عطايب
مالـوم عينٍ دمعـهـا حـرّق المـوق
وقلبٍ على فراقه من الـوجـد ذايـب
وين انت يالغالي غـلا وطبع مـرمـوق
يانـور عيـني وينك اليـوم غـايـب
يافيصل الله يـرحـمـك رحمة تلـوق
بمثـلك وتكفي عن جميع القـرايـب
عسـاك بالجنة مـن العـيـن مـرزوق
عند الذي من جـاه مـاراح خـايـب
البال ضـاق وكـل ماحـولي يضـوق
وعزي لمـن صكـت عليه النـوايـب
واضيق صدري ضيق من ضاق مخنوق
ضيقة وعنـد الله تهـون الصعـايـب
عليك يلي رحـت ولاجـا منك عوق
وخليـتـنا ولاعـاد فيها طـلايـب
أغيب عـن وعيي وأخـايلك وأفـوق
كني مـضـيـع أو مـدور ذهـايب
وين العوض مامن عوض عنك بالسوق
عوضـك عند اللي ينشي السحـايب
