كلٍ على قـده يقـيـس
ثيـابـه
والحـر قـالـوا
يشبعـه مخلابه
والعـش قـالـوا فيه
طير واحـد
طير السعـد يافـرحة
اللي جابـه
والنـاس أيضـا قيل ماهـم
واحد
ولاكـل رجـل للرجـال
يجـابـه
احسب حساب اللي
يحسب حسابك
ومن لا يـودك لا
تحسب حسـابه
ابـن الحمـوله مـن
تسر فعوله
فعل على وضح النـقا
كسـابـه
والـذيب ذيـب ولا
يخلي طبـعه
لابـد مـن يـوم
يخضب نـابـه
واللاش لاش ولا يـنـومس
فعله
خل الردى لا عاش وش
تبغـا به
عليك بالـرجـل الكـريـم الطيب
لاصـار كـل يفتخر بـاحسـابـه
وقـولت هلا بالضيف لا تنسـاهـا
بـوجـه بشـوش وقـل
يـا حيابه
وجـارك فـلا تـزعله بـأدنى زله
له حـق واجـب والنبي
وصـا بـه
والحلم سيد العـلـم لا تفـرط بـه
لا بـارت ببعض الرجـال
أعصـابه
ترى المراجل بالعـقـل والحكـمـه
وقـدر الـرجـل في
منطقه وأدابـه
رجـل سيـاسي بالحيـاة ونـاجـح
يقول و يفـعـل
والرجـال تهـابـه
ورجـل مـن أدنى شـي يثور و يزعل
ورجـل يضـيـع صـدقـته
باكذابه
هـذا وانـا لي نـظـرة بـالعـالـم
نظـرة خبير بـواقـعـه
وأسبـابـه
والناس كل لـه بغـيـره نـظـره
أما الهـدف مـاكـل
رامـي صـابه
هذا و انا قـولي صحـيح وواضـح
من مصـدر جـم و أنـا
كـتـابـه
وخـيـر الختـام الخاتمة بذكـر الله
و أفضل صـلاة على
النبي وأصحابه
ليست هناك تعليقات:
إرسال تعليق